"Изи мӧр пеледыш" Шернурышто лиеш...

Марий йоча изинек шочмо йылмым йӧратыже, пагалыже да марий шӱлыш дене илаш тунемже манын, кеҥежым «Изи мӧр пеледыш» лӱман йоча-влаклан пӧлеклалтше Пеледыш пайрем ынде кокымшо гана эртаралташ тӱҥалеш. Ты пайремым эртараш Ӱшнӱр школ вуйлатыше, Мер каҥашын еҥже,  Галкин Валерий Федорович   темлен. Икымше гана тыгай пайрем 2013 ийыште 7 июньышто Советский район Ӱшнӱр кыдалаш школышто эртаралтын.
Теве тиде ийынат фестиваль-конкурсым эртараш палемдыме. Пайрем республикынан тӱрлӧ школышто тунемше-влак коклаште вашкылым пеҥгыдемдаш, шочмо йылмым, тӱвырам, йӱлам йӧраташ, арален кодаш полшышаш.
  «Изи мӧр пеледыш» фестиваль 31 майыште (10 шагатлан) Шернур посёлкысо Юбилейный площадьыште эртаралташ тӱҥалеш. Фестивальышке йодмашым 30 апрель марте пуаш кӱлеш. Электрон почто:  sernuroo@mail.ru   «Изи мӧр пеледыш» пале дене колташ кӱлеш. Лекше йодышым 8 (83633) 9-83-01 телефон дене рашемдаш лиеш.  Пайремыште йоча усталык ярминга да тӱрлӧ конкурс-влак эртаралташ тӱҥалыт.

Пайремын организаторжо-влак: Марий Эл Республикын туныктыш да шанче Министерстве, «Мер каҥаш» марий ушем, Шернур районысо шинчымаш да самырык-влаклан паша шотышто отдел, Шернур районысо тӱвыра отдел.
Йодмашым  налаш .

Нале вер: Кидшер

 
По теме
Служители театрального искусства Марий Эл сегодня отмечают профессиональный праздник - Marimedia.Ru Зампредседателя Правительства Марий Эл — министр культуры, печати и по делам национальностей Константин Иванов поздравил работников театра с их праздником, который отмечается сегодня.
Marimedia.Ru